Reglament d'absenzas e congedis
Absenzas nunprevidas (malsogna, accident, eav.)
La scolasta ni il scolast da classa sto vegnir informaus telefonicamein dall'absenza la damaun digl emprem di (naven dallas 7.00). La scolasta ni il scolast da classa informescha tut las persunas d'instrucziun specialisadas. Absenzas nunperstgisadas annunzia la scolasta ni il scolast da classa enteifer 3 dis alla direcziun dalla scola.
Absenza previsibla
1. Mezs dis libers
Ils responsabels per l'educaziun san dispensar lur affon dall'instrucziun per maximalmein dus mezs dis per onn da scola cun ina communicaziun en scret (formular da damonda per mezs dis da joker). Quella regulaziun ei buc applicabla en cass d'occurrenzas da scola specialas ed en cass da camps. Sch'ins vul retrer mezs dis libers, ston ins far la damonda alla scolasta ni al scolast da classa silmeins in'jamna avon.
2. Fuffergnadi
In fuffergnadi sto vegnir fatgs sche pusseivel adina duront las vacanzas. En cass d'in basegns fundau astgan ins far in fuffergnadi duront maximalmein nov mezs dis da scola (2./3. scalem superiur). Sin il 3. scalem superiur san las scolastas ed ils scolasts da classa conceder ulteriurs dis per fuffergnar, sch'ei va per survegnir ina plazza d'emprendissadi. Congedis d'in di per far fuffergnadis conceda la scolasta ni il scolast da classa. Fuffergnadis da plirs dis conceda la direcziun dalla scola. Ei drova ina confirma davart dil menaschi ch'igl ei buca pusseivel da far in fuffergnadi duront las vacanzas.
3. Congedi
Cuoz dil congedi | Sort da lubientscha |
---|---|
1 di | Lubientscha entras la scolasta ni il scolast da classa. |
2 – 3 dis | Damonda alla direcziun dalla scola entras la scolasta ni il scolast da classa. Decisiun dalla direcziun dalla scola. |
4 – 15 dis | Damonda 4 jamnas avon alla direcziun dalla scola. Decisiun dalla cumissiun da scola. |
dapli che 15 dis | Damonda alla direcziun dalla scola. Decisiun digl inspectorat da scola. |